शिरो मे अनघा पातु भालं मे दत्तभामिनी ।
भ्रूमध्यं योगिनी पातु नेत्रे पातु सुदर्शिनी ॥ १॥
नासारन्ध्रद्वये पातु योगिशी भक्तवत्सला ॥
मुखं मे मधुवाक्पातु दत्तचित्तविहारिणी ॥ २॥
त्रिकण्ठी पातु मे कण्ठं वाचं वाचस्पतिप्रिया ।
स्कन्धौ मे त्रिगुणा पातु भुजौ कमलधारिणी ॥ ३॥
करौ सेवारता पातु हृदयं मन्दहासिनी ।
उदरं अन्नदा पातु स्वयञ्जा नाभिमण्डलम् ॥ ४॥
कमनिया कटि पातु गुह्यं गुह्येश्वरी सदा ।
ऊरु मे पातु जम्भघ्नी जानुनी रेणुकेष्टदा ॥ ५॥
पादौ पादस्थिता पातु पुत्रदा वै खिलं वपुः ।
वामगा पातु वामाङ्गं दक्षाङ्ग गुरुगामिनी ॥ ६॥
गृहं मे दत्तगृहिणी बाह्ये सर्वात्मिकाऽवतु ।
त्रिकाले सर्वदा रक्षेत् पतिशुश्रुणोत्सुका ॥ ७॥
जाया मे दत्तवामाङ्गी अष्टपुत्रा सुतोऽवतु ।
गोत्रमत्रि स्नुषा रक्षेदनघा भक्तरक्षणी ॥ ८॥
यः पठेदनघाकवचं नित्यं भक्तियुतो नरः ।
तस्मै भवत्यनघाम्बा वरदा सर्वभाग्यदा ॥
इति श्री अनघाकवचाष्टकं सम्पूर्णम् ।
श्रीगणेशाय नमः ।